正生事件上，我極力要控制自己的情緒，避免把梅窩居民不自覺地妖魔化。
礙於工作「煩」重，我無力走入梅窩去撐正生，近無力走入梅窩去研究當地居民是否對藥物誤用康復者是否存在誤解、歧視和恐懼。（當然，以現時的精神狀態，我更無力涉獵城鄉規劃、教育資源分配等大問題…）
不過，我今次想一讚恩福堂的會友－陳敏兒小姐。
你見我雖然平日插恩福堂，插到雞毛鴨血，因為他們散播憎恨、製造傷痕。但我在今次正生事件一事中，向恩福堂會友陳敏兒小姐，表示最高的敬意。
［youtube=http://www.youtube.com/watch?v=RPgldhWuQKI]
相信，只要有更多教徒願像陳敏兒一樣的恩福堂會友，為弱勢的發聲，為受壓的抱不平；願意在憎恨之處播下愛；在傷痕之處播下寬恕；在絕望之處播下盼望；在幽暗之處播下光明；在憂愁之處播下歡愉，用愛來活出真正基督的樣式，就能化解更多的悶愁和恨仇。陳敏儀在情緒激動的居民大會中，願意走出來，呼籲居民主動擁抱正生學生。這正正體現真正的基督會做甚麼！
23個回應
六月 16, 2009 at 1:57 am
醫生朋友, 今次我反而同情班梅窩居民
有時間, 你睇下條片 (由5:00 開始), 聽下個女士講乜
http://www.youtube.com/watch?v=ngljk_yUykI&feature=related
仲有呢度
http://www.hkreporter.com/talks/thread-776903-1-1.html
或者你睇完, 有另外一d 睇法
六月 16, 2009 at 9:19 pm
本姑娘都有個睇法。0係美國康州工作既時候，我都曾經住過矩離juvenile correctional centre只有1公里既地方，我個女當時只有12歲。有咩問題？？！！！你地唔講，我都唔會記得。
當年東頭村居民又係一樣0甘樣歧視d智障人士。你地跟本就係歧視，並無其他原因，唔好0係度強詞奪理，擺d細路上臺。
仲有，你知唔知福音戒毒同用美沙酮有咩唔同？佢地戒毒出黎而唔再吸毒既成功率係極高，美沙酮係做唔到！長洲可以有神學院，點解唔可以有福音戒毒學校？
仲有，0個個唔係監倉, 福音戒毒都係自願參與既，佢地唔係咩洪水猛獸，對居民唔會有咩攻擊性。你有你立場，你有權反對，係可以理解，但係唔可以胡亂侮辱人。
六月 16, 2009 at 9:21 pm
長洲可以有神學院，你地點解唔可以有福音戒毒學校？
六月 17, 2009 at 12:05 am
“我都曾經住過矩離juvenile correctional centre只有1公里既地方”
小姐, 你自己都識講 1 公里呢
但梅窩好似 1公里都無wow
“…你地跟本就係歧視，並無其他原因，唔好0係度強詞奪理，擺d細路上臺。”
無錯, 班梅窩居民有部份係帶有歧視字眼辱罵正生學生, 但呢個並唔係唯一理由, 要求佢地俾正生書院入黎
“仲有，你知唔知福音戒毒同用美沙酮有咩唔同？佢地戒毒出黎而唔再吸毒既成功率係極高，美沙酮係做唔到！”
我當然知, 我都聽過校長介紹正生, 亦識得生團契某些人, 知道佢地辦學的目的好
“長洲可以有神學院，點解唔可以有福音戒毒學校？”
請問你係咪教徒? 請問神學院同福音戒毒學校有乜關係?
“你有你立場，你有權反對，係可以理解，但係唔可以胡亂侮辱人。”
請你唔好老屈小弟
小弟從來沒有反對, 亦無講過一句雙方壞話, 上面條link 我更無留過言
我唔係佢地, 亦唔係梅窩居民
六月 17, 2009 at 12:10 am
還有, 我post 條link 出黎, 只係想大家理性討論呢件事, 唔好俾任何一方所蒙騙
無奈, 有人選擇性去評擊, 反應又過敏, 小弟深感傷痛
梅窩居民就算點錯都好, 個源頭係來由政府教育政策失當, 致今天混亂的場面
而小弟澄清, 其看法 基本上同樓下位 MS 大致相同
你若有不滿, 請先向搞呢單野的政府講才對, 謝謝
六月 17, 2009 at 8:34 am
係你自己話同情梅窩居民，我凈係想share我知道既stories。
我住0個度都係連戲院都冇間既city outskirt,個correction center就係同我同一條大街，行去都係十分鐘，外國地大，by proportion，佢就即係0係你隔離街一樣。
我唔係讀Political Science, 我唔明白0甘多政府既鬼計。我只可以好實實在在0甘講，佢地須要一個自新既機會，而福音戒毒係切切實實幫到佢地連根拔起既最好治療。
福音戒毒既過程要靠讀經禱告黎抵抗毒癮，我未試過我都知呢個0甘痛苦漫長既過程一定係比死更難受，呢個已經係對年少無知既年輕人身心上最大既懲罰。相反而言，佢地留0係市區飲美沙酮以毒攻毒，慢慢慢慢hair番好佢，真係舒適得多囉, 呢個亦都係好多人會再食番既原因。眼睇住佢地個個誠心改過，甘心去捱過0甘艱辛既療程，接受懲罰，你地點可以狠了心唔比機會佢地。
赤柱都有監獄，一樣有好多上等人外國人搬去同d criminals一齊住。
我唸梅窩居民對福音戒毒太唔瞭解，佢地可以睇番以前d 講福音解毒既特輯，睇下佢地過既生活，你一定會對佢地改觀，為佢地鼓舞。擺脫歧視，就唔會有咩難成就既事。
六月 17, 2009 at 11:24 am
“係你自己話同情梅窩居民”
你仲想屈我wow
你咁講, 係咪我話, 因巴勒斯坦受不公平對待, 我同情巴勒斯坦, 就等於我支持巴國派兵打以色列?
根本 係你亂扣人帽子
“我唔係讀Political Science, 我唔明白0甘多政府既鬼計。”
唔關事, 係d人唔願意理解整件事的來龍去脈, 個個只會針對梅窩民居d反應去討論, 根本就無意思
“福音戒毒既過程要靠讀經禱告黎抵抗毒癮…”
所以寧靜遠離巿區的環境, 對學員成長係好重要
舉個例, 佢地每次都要徒手擔水, 鍛鍊到毅力
我估煮飯都要擔柴…但太近巿區就有水喉, 有煤氣喉, 就少左機會磨練佢地
呢一樣對新入學, 剛開始的學員最關鏈
如果太多外界誘惑, 佢地會比較容易放棄
不過佢地又不能夠太遠離外界, 因為他們終要面對群眾, 社區, 自力更生, 好似部份學員咁, 係長洲開餐廳咁樣
照咁講, 梅窩那個校舍又係咪咁好的選址?
學員係梅窩校舍學習, 又會得到相對應的教育嗎?
呢d 問題係值得商討, 可惜無人肯提出的
“赤柱都有監獄，一樣有好多上等人外國人搬去同d criminals一齊住。”
仲有一間小學好近監獄tim
六月 17, 2009 at 11:40 am
“我唸梅窩居民對福音戒毒太唔瞭解”
咁點解佢地唔暸解? 咪就係我地偉大政府事前又無諮詢, 又唔俾d時間俾居民接觸一下正生d 學員, 咪搞到今日個田地囉!!!
有人講到, 班梅窩居民點無恥, 點自私, 查實要講最無恥, 最自私, 咪我地政府囉
以我所講, 正生係 七, 八年前已經話校舍爆滿, 唔記得當時係 八十幾人 還是 百幾人 迫爆 只可容納三十人的校舍, 佢地當時都有同政府反映
但係, 當時政府無理會
呢幾年仲唔見政府撥過d資源幫下佢地
到而家政府要推廣禁毒呢, 為左宣揚佢呢種咁健康的政策推高民望, 就擺正生同梅窩居民上台, 搵佢地做棋子, 自己坐享漁人之利
由頭到尾, 政府係教育, 係戒毒服務, 無做過一樣實際的事, 到佢話要推廣禁毒, 都只係識得立法, 立法, 再立法, 又或者搵下d 明星講幾句, 凸手保安局長, 就呼籲幾句, 咁就做左ga la
最賤係, 佢地利用傳媒, 乾乾淨淨咁將個波推落 正生 同 梅窩身上, 自己一d 責任就無
…由始至終, 政府口講關心正生, 關心下一代, 查實佢地一d野都無做過, 呢d 就係偽君子所為, 比梅窩民居更卑鄙, 更無恥
咁樣, 我唔嬲就奇
六月 17, 2009 at 9:06 pm
Go and read what u had written. 醫生朋友, 今次我反而同情班梅窩居民 U can deny it now loser. I am not going to read ur shit. So long, loser. You’re not worth my time.
六月 17, 2009 at 9:29 pm
是我看漏了
抑或看不清楚?
其實Paul在那一處侮辱過人 ?
至少我真的不覺Paul的留言侮辱我。
有些梅窩居民反對正生搬入
是因為對政府在社區的教育政策不滿
我們要對那些歧視正生的人作出批判
但也要聽聽其他梅窩居民的心聲呢
雖然今日明報也報導:
【明報專訊】梅窩居民極力要求原區設校，但事實上南大嶼山根本不夠學生，而不少家長亦不願讓子女留在梅窩讀書；如連日來代表梅窩居民反對正生遷入的梅窩鄉事委員會副主席曾雲川，亦不把女兒送入梅窩的幼稚園，而是送到港島半山的幼稚園就讀，他解釋是因宗教背景而送女兒往天主教學校。
六月 18, 2009 at 9:06 pm
The white guy in Youtube called the students ‘prisoners’. Did u watch? It is a blatant insult.
Again, “今次我反而同情班梅窩居民”, there is no denying what stance he original took. Enough said. We all know what the truth lies and who the real phony is.
六月 25, 2009 at 11:41 am
睇完果條video, 覺得 D 村民好偏激、好惡。
不同意見唔緊要，但係都要俾人講野得o架 !
六月 16, 2009 at 1:59 am
對呀! 這是基督徒應做的事。
知錯能改, 善莫大焉…..
應該俾一個機會這群對自己有承擔的年青人。
如果政府可以有多D腦, D官攞個心出黎返工…..就可以減少有人無學校, 有學校無人呢D情況…佢又明知將正生書院放係梅窩會有當地居民反對, 又唔考慮下其他OPTIONS……完全係想製造”唯恐世界不亂既局面”
六月 17, 2009 at 3:01 pm
MS, 我相信正生去邊, 都一定會有居民出黎反對, 爭在人數多少、用乜o野形式、做得好唔好睇o既o者。
政策的執行, 正如你話齋, 要用心去做。事前要規劃, 要諗定點同公眾及各方利益交待, worst-case scenarios時點做, 搞好公關係其中一個關鍵。各大報紙呢幾日關於正生的溫情報道如果早一個月出爐, 政府早一個月同正生協調下, 請學生去做些高調點的社區服務, 情況可能已經好唔同。至於 d 陰啞底的土地利益交貿, 更應該一早就要傾掂數。我地班官好明顯冇用心, 或者唔敢出聲向上級反映, 而且平時亦冇乜市民去督促佢地做呢方面o既工作。
但另一方面, 我在facebook上向班平時都幾中意搭爹的朋友問: “如果你屋企樓下有空置校舍, 你贊唔贊成正生搬黎?” 你估幾多人覆我?
某程度上, 我覺得呢件事, 全港人都要反省。
六月 17, 2009 at 3:32 pm
很高興有人肯理性討論件事
一句講晒, 政府根本無誠意幫正生班人, 亦無誠意解決件事, 想透過傳媒不了了之就算
六月 17, 2009 at 2:49 pm
見你講開, 日前同朋友們食甜品時, 講起正生, 有非信徒朋友講佢的感受, 大意有: 陳敏兒無端端空降會面, 搞埋 d 溫情場面, 其實都係煽情的一種, 對件事有咩幫助呢?
六月 17, 2009 at 3:30 pm
我係信徒, 都對呢個偽人非常反感
係video, 見佢大聲疾呼, 叫人互相擁抱
但片中所見, 只有貓仔三四隻抱抱正生人
如果無人講係乜事, 我仲以為呢個係佈道會黎tim
俾我感覺, 佢地似做馬, 做show
其實對件事毫無幫助
若個偽人有心, 點解唔係video公開呼籲教會奉獻? 佢間播道會人強馬壯, 一定有經濟能力幫助班學員
六月 17, 2009 at 9:34 pm
我對偽信徒也有不滿
但每個人也可以自行選擇是否參與,又或以什麼程度參與在正生事件。
教徒可以選擇以前的那一套,派幾百個人來次耶穌大遊行,為「潔淨」梅窩作祈禱, 但今次教徒選擇說之以情, 某個程度也是一種進步。
而事實上,馬時亨以及陳敏兒的參與, 亦真的把對抗對立中拉了出來, 出現第三出路的可能。
當然, 我們有責任去追問教徒們, 若遇上有關團體是非基督教機構, 會否願意一走出來為異教朋友發聲。
六月 20, 2009 at 1:39 am
雖然我個人都有點覺得陳敏兒那措舉是有點肉麻, 不過持平說句我覺得只係睇幾秒/幾十秒、經傳媒剪接過的footage就去判斷係咪做show同造馬, 有點武斷。至少在陳敏兒的情況, 我縱然個人不愛感動, 但直覺上也看不出有甚麼虛偽,。而且只有小貓三四隻去回應她的「挑戰」, 也實在不是她的錯。若那小貓三四隻回心轉意, 也是一種功德了。
至於單看那段片便質問某人「點解唔做」某一種你認為是該做的事, 就實在去得太遠了。若她真的有, 又甚至做了更大的事, 怎麼樣? 會告訴你麼?
六月 20, 2009 at 1:54 pm
咁又係, 短短幾十秒的片段, 又不代表些甚麼
或者, 我見陳小姐咁激動, 我都激動起來呢, 哈
謝謝肥醫生及Catitude 對我的回應, 謝謝
六月 20, 2009 at 12:44 am
梅窩居民的問題 “兒女要跨區舟車勞頓去巿區上課”, 不是有沒有區內中學的問題, 而是交通問題! 如果可縮減交通時間, 問題就解決了.
我在鄉村小學讀書(八鄉上村)時, 中學要到城市去(元朗). 很多年前連鄉村小學都沒有了, 大部分小學生要到城市去上課. 到城市去上學的, 將來入大學的機會又比較高.
六月 24, 2009 at 11:14 am
Paul, 唔好扮持平多角度.
陳小姐做嘢你又要inch.如果晤關陳小姐事,又關你事,
多事.
六月 24, 2009 at 12:57 pm
Paul少,陳敏兒的參與,你話她偽人,
好過你,扮持平多角度.