耶穌基督降世，選擇在最卑微的馬糟，沒有君王首領的歡迎，只有牧羊人收到天使的報信。
耶穌基督傳道，選擇走入平常百家姓，沒有鳴鑼鈸鼓的歡迎，只有凡夫走卒靜聽福音消息。祂甚至不受歡迎，被別人唾棄，因政治的緣故最後被釘死於十字架。
作為特區十周年紀念的葛福臨佈道大會的主角－－葛福臨牧師，究竟有什麼歡迎的排場呢？且看《時代論壇》的一段報導：
本年教圈盛事葛福臨佈道大會還有半個月便舉行，大會已訂於十一月廿七日下午六時假金鐘萬豪酒店舉行「嘉賓招待會」，邀請本港知名人士及教內嘉賓出席，並熱烈歡迎及介紹佈道大會講員葛福臨牧師到臨香江，而大會屆時亦邀得民政事務局局長曾德成作主禮嘉賓。
佈道大會向各界籌款超過千五萬元，原來部份是這樣地使用。
為什麼今日很多人聽教徒傳道後不願意信耶穌？教徒可能會以為是人心剛硬拒絕接受真理，我就會覺得，因為教徒的所作所為，令人看不見耶穌。
又來多個實際挑戰吧：為什麼歡迎葛牧師的場地，一定要在五星級酒店？而不可以是天水圍某間band3學校的禮堂？
28個回應
十一月 16, 2007 at 1:37 am
真的不知誰是主角!
十一月 16, 2007 at 2:17 am
其實講到口水都乾啦
但佢地係唔聽之嘛
d人唔去佢地係覺得個人既問題而唔係個佈道會既問題
我講過一次之後，己經廢事再出聲
仲要搞埋個安德烈行動
即係我覺得
個行動既名
好切題囉
十一月 16, 2007 at 6:59 am
肥榮：
以下是模擬(勢利的)教徒的回應：
算啦!葛福臨今次到臨香江，除左佈道外，最重要的都係
籌到0個千五萬。如果唔係，你養佢呀!
就算係你肯養佢，你又俾得起呢位偉大的佈道家入住五星
級酒店，同埋去大球場開show咩?
佢都係做正當生意0者!你又點知人地背後自己盤數
同埋同神盤數點計!
(模擬完畢)
————————————————–
再俾個本地例子你睇下：
http://www.chinatown.com.au/interview/page.asp?interviewID=68&pageID=294
然後又睇下我又點睇佢的怖道手法：
http://doctorfat.wordpress.com/2007/10/30/%e5%8f%83%e5%8a%a0%e4%bd%88%e9%81%93%e6%9c%83%e5%8e%bb%e6%85%b6%e7%a5%9d%e5%9b%9e%e6%ad%b8-2/
(請留意25樓的回應)
十一月 16, 2007 at 9:24 am
>肥醫生
我對葛福臨既認識唔多，唔知佢係一個點樣既人。但係我會覺得對於一個真心傳福音既人，應該唔會介紹住邊度、食乜野。
安排五星級酒店作為招持場地既，可能只係本地既一班seafood鬼，事關香港人一般都係「先敬羅衣後敬人」，無排場就無Face啦。
不過若然真係葛福臨既意思，咁我估我同耶穌一樣，真係無眼睇囉。
十一月 16, 2007 at 9:43 am
查實唔好話去天水圍——跟手又可能有人指出一大班市區友入去又係錢之類——，o係九龍某個大面積o既會堂搞，例如窩打老道信義，或九龍城浸信會，雖則重有少少富貴氣，但已經淡o左過客味，同富貴味。
由呢兩個會堂走出去，附近都有中下居民區；行一行都有少少效果o卦。
十一月 16, 2007 at 10:32 am
> 為什麼歡迎葛牧師的場地，一定要在五星級酒店？而不可以是天水圍某間band3學校的禮堂？
這條問題太易答了, 也太易被利用了。答者只需瞪大一雙誠懇的眼睛, 娓娓道來用天水圍某間band3學校的禮堂搞招待會有何限制 (而且有相當合理的限解, 例如人流、音響等會影響學生上課, 交通不便減低傳媒採訪意願, 假設他們會找傳媒採訪的話 … ) 就可以撥開了你的問題。
十一月 16, 2007 at 10:57 am
我自小在天主教學校讀書, 沒有熟讀聖經, 但是我記得有一個記戴就是人們為了滿足自己的”想法”而去建高榙……
十一月 16, 2007 at 11:18 am
我覺得已經係由佈道會變做一個show.
由細到大讀christian school，那時細讀聖經的內容感覺更實在。
十一月 16, 2007 at 2:49 pm
不要天主圍Band 3學校，教會本身沒有酒店麼？教會自己的賓館來招待，不是恰當一點嗎？
這樣傳教，不傳出個反效果來才怪。
十一月 16, 2007 at 4:42 pm
賓館? YMCA?
咪話，YMCA都好豪架。
十一月 16, 2007 at 11:08 pm
港島區也有一些能夠容納數百人的教會, 在教會內開招待會, 也是十分得體及適當的安排, 實在無須一定要在五星級酒店內進行.
十一月 16, 2007 at 11:41 pm
教圈？馬圈？
唔怪得佈道大會的主題歌其中一句係「馬到功成」。原來係咁解。
近來係一些當眼的地方，好似係紅隧九龍出口附近有大大條banner係度，而且係各人多地方會有這活動的宣傳，已經好足夠，唔需要咁大排場。如果真係要關心天水圍的話，為何唔入去天水圍行區祈禱？為有需要的人代求？
係大酒店搞，只係滿足了部份人炫耀的心理，正如四樓網友所講，傳福音的人，點會計較？香港有一些差出去的宣教士，到某些較我地落後的地方宣教的環境比香港差很多，但都樂意前往，不知名的宣教士都可以心甘情願地去，難道葛福臨不可以嗎？
十一月 16, 2007 at 11:50 pm
不如你整理一下這幾遍關於葛福嘅 posts，寫篇文去時代論壇嘈下啦
十一月 17, 2007 at 2:20 am
呢個我覺得就兩睇，
應該係正苦班人想搞大搞靚個名而去酒店舉行招待會。
斷估唔會係葛福臨自己想話o係酒店參加歡迎會…
呢個應該唔係被接待者o既問題，而係接待班人o既問題。
當然，
如果佢睇唔睇到咁做背後可能會影響一班人被吸引入教既機會，
就真係得佢自己/一班坐住個腦既搞手籌委先知道了。
十一月 17, 2007 at 11:21 pm
不用去天水圍，不方便，我修改建議為：1)租教會舉行聚會，連茶會場地的，是有的。如宣道會北角堂、樂富聖潔會永光堂、九龍城浸信會、油麻地循道衛理教會九龍當、灣仔紅磚屋教會、荔枝角播道會恩福堂、銅鑼灣播道會同福堂等，地點方便大夠大(但這不夠特別，因教會嘛，是普通野)；
2)大可住佐敦、油麻地的酒店，如彌敦酒店，夠熱方便鬧添，為甚麼住頂級豪華酒店？
我謹慎捐獻的，多投資於認真服事主的人，見太多亂搞排場，肉尺極，我都成年都唔買衫，一個行動又要人人做制服，多的是存倉！
教會可能都分派的，又走資派、有請曾德成的一派…
還有許多無權無勢冷眼旁觀或清議或鞭撻的，真的願上帝指引！
十一月 17, 2007 at 11:35 pm
garlic：重有麥當勞道青年會賓館呢，更近CGO啦。
不過我又衰衰地諗，聖公會以外o既各新教教會咁齊心一致，如果選一個堂會做招待會，會唔會破壞教會間o既和諧，反而租間非教會酒店，就可以代表「走入俗世」？
十一月 18, 2007 at 6:06 am
五星級大排場才能代表基督徒是神的選民，因而被大大大大大的祝福到隨時有足夠的奉獻供傳福音的時候花用。
十一月 19, 2007 at 10:36 am
可以看出現代宗教的教義已遠遠拋離原本真正的教義 可悲可哀
滿口仁義道德 做就無能為力
十一月 19, 2007 at 1:32 pm
諗起大契O係頒獎禮果句﹕神的恩典足夠我用。
可能因為嫌恩典太多，所以要出黎支持孽瘤。
十一月 20, 2007 at 10:53 pm
Perherps they think Franklin Graham is nobler than Jesus Christ. Sigh!
十一月 22, 2007 at 11:04 am
葛福林個譯名可唔可以改為「割福臨」或者「割腹臨」呢?
意即 「割」走「福」氣要那那「臨」 或者「割腹」自盡要那那「臨」…
十一月 22, 2007 at 1:14 pm
又唔使咁刻薄既。
呢度討論既問題，其實都未必關葛福臨本人事。
十一月 22, 2007 at 10:07 pm
Sorry 下, 純粹開下玩笑, 唔好認真.
十一月 29, 2007 at 8:57 am
肥力﹕不過我又衰衰地諗，聖公會以外o既各新教教會咁齊心一致
不過我又知道，聖公會學校一樣派學生去聽「佈道會」。
只係差在冇四圍掛橫額咁解。
十二月 1, 2007 at 9:37 am
我響佢籌委會做。你地講D野好似無經大腦。籌一千八百萬，比成隊人住五星級酒店，你地有無智慧架？？亂隊人，有D品啦，睇清楚真相至媽啦。好笑。自己唔信，又唔查清楚，爆假料，非信徒一樣無品。
上去佢網站睇下人地盤數點用，有核數師跟既。
亞葛隊人每次去海外，都係自費機票及食宿，人地住響邊，關你屁事咩！1800萬，只係比香港租場同宣傳同推動。諗下啦，大球場租一次都幾十，南華會場又十多萬，幾日果度浄場租連音響燈光都幾百萬，報紙廣告Road Show都唔平。計下數，1800萬點可以飛隊幾百人來食住五星級？Short 既。人地仲響自己度捐左十萬美金比天水圍社區添。知唔知呢？一味靠估，令人發笑。
算啦，有D唔信既就有千般理由去砌人生豬肉，放流料抺黑，其實最激起公憤！信唔信唔緊要，但千祈米扣帽子，言論自由都要基於事實，所以我話，我對非基督徒既指控，有時真係覺得好無智慧。想唱衰人，都要搵到事實至話人，否則抺黑人其實仲幫助人宣傳添。我有兩個friend傾開問此事，知道事實後，仲因此約埋去聽佈道會。真係多得大家。
十二月 1, 2007 at 10:46 am
這位自稱為籌委會的留言者，真的不知是誰人砌生豬肉以及放流料。我這篇文章，那處有批評過葛福臨團隊的機票和食宿費呢？我又有幾時話一千八百萬飛幾百人來住五星級？從標題以至全文，我都只是批評有高官曾德成參與的五星級酒店歡迎會，為什麼要在五星級酒店開歡迎會？錢從何來？
不過，這類留言人士，連留下自己的電郵也不敢，可信性又有幾多？真的不知道。我真的希望這類放流料抺黑的留言，真的不是出自教徒的手筆。如果你要批評，就去《時代論壇》批評好了，所有新聞的出處，都是出自《時代論壇》的，我也放了連結在內文之，難道他們報導出了錯誤？
十二月 1, 2007 at 12:17 pm
我對粗人肥妹的回應是：到底你信是耶穌，還是打著耶穌之名招搖撞騙的黑社會？
信是耶穌的話，那用這樣回應肥醫生？
二月 7, 2008 at 12:15 am
“耶穌基督傳道，選擇走入平常百家姓，沒有鳴鑼鈸鼓的歡迎，只有凡夫走卒靜聽福音消息。祂甚至不受歡迎，被別人唾棄，因政治的緣故最後被釘死於十字架。”
从这段文字开始吧,耶稣基督道成肉身在世上传道,被钉十架,被埋葬,三天后复活升天.这是一个完整的救赎.若没有道成肉身,就有人说神只是高高在上(约1:14神住在我们中间);若没有传道,就没有听道得道进而得救的人(罗马书10：17);若没有耶稣自己走上十字架,我们的罪就无法得赎,圣灵保惠师就不会来(约14:16;约16:7);若没有三天后的复活升天,我们今天所信的就全然无益(约14:2).
耶稣来,是要叫世人认识神,认识他是神的儿子,是基督,人可以因信他而得救,得真正的生命.极重要的是,他就是福音,若不藉着他,没有人能与神恢复起初的美好关系.我们现在所作的,也不是我们自己能做到的,而是神先见的拣选,主耶稣的代赎及圣灵的工作.因此,无论是在五星级酒店,还是在天水围的BAND3学校,福音是否传到人心里,叫人看到自己的罪,向主悔改认罪,才是关键.
若神要使用大型布道会和讲道的人,又有谁能夸口说是自己的功劳呢?若透过布道会,香港都市有人悔改,将福音传到天水围社区,开始那里的工作,难道不是合神心意的事么?
所以,肥医生或许可以在这些在人眼中看为作秀/铺张的布道会中定睛在十字架的救恩上,看到神的工作是超出我们所思所想,神的大计划没有人能阻挡,就更加从心里产生一个忧伤痛悔怜悯的心,与神同工.愿肥医生有圣灵光照,更打开属灵的眼睛.